You are here

Сұрақ-жауап

  • Сұрақ №: 36571
    Дата: 30.10.2017 10:37:07
    Аты-жөні: Махамбетова Майра
    Сұрақ:
    Сәлеметсіздерме. Мен екі баласы бар жалғыз басты анамын. Балаларымның әкесі Бектурсинов Канат Жексеновичтен /05.07.1985 жылы туылған/ алимент өндіру туралы Сарысу аудандық сотының шешімі шыққан болатын. содан бері 3 жыл болды. 7-8 ай 15-20 мыңнан төлеп жүрді де кейін мүлдем төлемей кетті. пропискасын біресе Астана біресе Таразға ауыстырып дело екі қаланың ортасында жүрді. Қазір тіпті қайда қалғанын да білмеймін. Жазбаған, бармаған жерім жоқ. Министерство юстицийға жазып жүріп, розыскы жарияланды деген. Содан кейін іс тоқтап қалды. кімге, қайда барарымды білмеймін. Соңғы тіркелу адресі Тараз қаласы болғандықтан сіздерден көмек сұрап отырмын.
    Жауап күні:
    8 қараша, 2017 - 17:05
    Жауап:
    М.Б.Махамбетоваға Достоевская көшесі, 50-үй, 13-пәтер, Тараз қаласы Құрметті Майра Бериковна! Сіздің алимент өндіру туралы арызыңыз атқару өндірісін зерделеумен қаралды. Сарысу аудандық сотының 31.10.2014 жылғы бұйрығымен борышкер К.Ж.Бектурсиновтан Сіздің пайдаңызға кәмелетке толмаған балаларыңызды асырап бағу үшін алимент өндірілген. 05.06.2017 жылы Сіз атқару құжатын жеке сот орындаушысының өндірісіне қабылдау жөнінде жүгініп, ол бойынша 20.06.2017 жылы жеке сот орындаушысы С.А.Тоқмамбетовпен атқару өндірісі қозғалған. Атқару құжатын орындау барысында К.Ж.Бектурсиновқа тиесілі «MERSEDES-BENZ» мемлекеттік нөмірі Z428CON автокөлігіне тоқтам және оған қатысты Қазақстан Республикасының аумағынан шығуға тыйым салынған. Cот орындаушысының 07.06.2017 жылғы қаулысына сәйкес, борышкердің алимент қарызы 1 281 517 теңгені құраған. Сонымен қатар борышкермен Сіздің есеп-шотыңызға (30.12.2016ж.-20 000 теңге,24.11.2016ж.-25 000теңге, 01.11.2016ж.-15 000 теңге,28.10.2016ж.-9 500 теңге, 22.09.2016ж.-20 000 теңге, 09.08.2016ж.-20 000 теңге, 05.07.2016ж.-20 000 теңге, 06.06.2016ж.-17 000 теңге, 25.01.2016ж.-15 000 теңге, 30.03.2017ж.-24 950 теңге, 28.02.2017ж.-24 950 теңге, 30.01.2017ж.-19 950 теңге, 03.07.2017ж.-23 950 теңге, 28.04.2017ж.-26 950 теңге, 29.05.2017ж.-24 950 теңге, 16.10.2017ж.-26 000 теңге) барлығы 333 200 теңге төлегені анықталды. Осыған орай, қазіргі таңда прокурорлық ықпал ету актісін енгізуге негіз жоқ. Аталған жауаппен келіспеген жағдайда жоғарғы тұрған прокуратураға немесе сотқа жүгінуге құқылысыз. Қала прокуроры Б.Сеилханов орын:Саттибаева И. тел:431751
  • Сұрақ №: 36236
    Дата: 13.10.2017 14:13:16
    Аты-жөні: Турысбеков Жанболат
    Сұрақ:
    Саламатсыз ба, құрметті прокурор мырза, Бүркітбаев Секер Қасымбаевич! Сізге Жуалы ауданының мұғалімдерінің атынан хат жазып отырмыз. Жуалыда «Құрметті азаматтар» аллеясы ашылған. Бұл игі іс аудан әкімі Бақтияр Көпбосыновтың бастамасымен қолға алынды. Аудан орталығы – Бауыржан Момышұлы ауылына кіреберіс беткейдегі кең аумақта екі-үш айдың көлемінде демеушілердің көмегімен үлкен кешен пайда болды. Ол жер қазір «Жуалы ауданының Құрметті азаматтары» аллеясы деп аталады. Батырбек датқа ескерткішінің төменгі жағында, «Батыс Қытай – Батыс Еуропа» көлік дәлізінің оң қапталында орналасқан. Жуалы ауданының әкімі Б.Көпбосынов бекіткен «Аудандық аппараттық кеңестің 2017 жылғы 25 қыркүйектегі №34 хаттамасы бойынша аудан орталығына кіре берісіндегі Б.Датқа ескерткіші аумағындағы саябаққа 5-12 қазан айы аралығында шым төсеп абаттандыру жұмыстарының іс-шара жоспарына» сәйкес 2017 жылдың 5 қазанынан 13 қазанға дейін жоғарыда аталған «Жуалы ауданының Құрметті азаматтары» аллеясында ауданымыздың бүкіл мектептерінің мұғалімдері сабақтарын тастап шым ойып әкеліп, аллеяға төсеу жұмыстарына тартылған. Сізге сұрақ: 1. Жоғарыда аталған, әкім бекіткен іс-шара жоспары мұғалімдердің құқығын бұзбайды ма? Заңға сәйкестігін анықтап беруіңізді сұраймыз. Қазанның суық күнінде неге мұғалімдер бала оқытудың орнына, жаурап, тоңып шым ою жұмыстарымен айналысу керек? 2. «Жуалы ауданының Құрметті азаматтары» аллеясын абаттандыру жұмыстарына бюджеттен ақша бөлінген ба? Мердігері бар ма? Бюджеттен ақша бөлінсе, ол қаржы тиімді жұмсалуда ма? 3. Мұғалімдерге өзінің лауазымдық міндеттерінен тыс жұмыстарды жүктеу фактілерін прокуратура тексереді ме? Осы сұрақтарға жауап аламыз деген үміттеміз.
    Жауап күні:
    18 қазан, 2017 - 22:13
    Жауап:
    ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаментінің басшысы М.Ы.Нәлібаевқа Ж. Турысбековке Қазақстан Республикасының 2007 жылғы 12 қаңтардағы N 221 «Жеке және заңды тұлғалардың өтiнiштерiн қарау тәртiбi туралы» Заңының 7 бабының 6 бөлігіне сай, негізінен қарау үшін Ж. Турысбековтың мектеп мұғалімдерге лауазымдық міндеттерден тыс жұмыстарды жүктеуі жөніндегі арызы жолданады. Арызды жан-жақты қарап көрсетілген уәждерді толығымен тексеріп, арыздың қаралу нәтижесімен қабылданған шешім жөнінде арыз иесіне жауап беру қажет. Екінші мекен жайға мәлімет үшін жолданады. Жуалы ауданының прокуроры С. Бүркітбаев орын: Е.Марат тел:2-38-01
  • Сұрақ №: 36105
    Дата: 07.10.2017 21:23:30
    Аты-жөні: Турсын Алма
    Сұрақ:
    Құрметті, Бегзат Сағатүлы Сізге хат жолдауга турткы болган мынандай маселе. Менын анамнын атынан Тараз калыснан быреулер ТОО ашыпты .Быз Алматы облысы Енбекшиказак ауданы , Шелек ауылынын тургынымыз . Менын анамнын ол ТОО ешкандай катысы жок, ешкымге руксат берген емес жане кол койып бермеген . Анам зейнеткер . Бундай жагдайда не ыстеуге болады ???
    Жауап күні:
    10 қазан, 2017 - 17:13
    Жауап:
    А. Турсын Алматы қаласы Құрметті Алма Қуатқызы! Сіздің анаңыздың атына белгісіз тұлғалар Тараз қаласында жауапкершілігі шектеулі серіктестігін (ЖШС) тіркегендігі туралы жазған өтінішіңіз қаралды. Көрсетілген уәждерді толығымен тексеріп заңды шешім қабылдау үшін, Сіз Жамбыл облысы бойынша мемлекеттік кірістер Департаментіне шағымданып, анаңыздың толық аты-жөнін, ЖСН-ін және ЖШС-нің атауы туралы мәлімет ұсынуыңыз қажет екендігін түсіндіремін. Тараз қаласының прокуроры Б.Сеилханов  Оспанов Т.  8-7262-43-19-49
  • Сұрақ №: 36040
    Дата: 05.10.2017 00:02:03
    Аты-жөні: Найманбаева Эльмира
    Сұрақ:
    Салеметсиздерме! Меним иним Жунусали Бахтияр Омирханулы 03 кыркуйек айы 2002 жылы туылган. Туган жери Шу каласы. Жамбыл облысы. 2012 жылы ИИН 020903501162. Жунусали Бахтияр Омирханулы 2017 жылы Алматинскний транспорта и коммуникации колледжынын 1 курс студенти атанды, факультет помощник машиниста электровоза. грантка окуга тусип окып жатыр. 4 кыркуйектен бастап Жунусали Бахтиярдын шешеси мен акеси Банктен карточка жасау ушин барганында гарнтка окуга тусуине байланысты стипендиясын алуга карточка жасау керек болады. Сол ушин банк карточка жасамай отыр ойткени Налоговый комитеттин базасында жок, тиркелмеген деп жауап береди. Шу каласындагы ЦОН-га жане налоговый комитетке барлык жерге барады, бирак ешкандай мемлекеттик органдар ешкандай он жауап бермейди. ЦОН-дагылар налоговый комитетке барыныздар деп жауап берген. Налоговый комитет ЦОН-га кайта жибереди. Сол еки арада бир ай болды шешеси мен акеси барып жауап таба алмай журген. 1414 номерге хабарласканда олар мына номерге тиркеп жауап берген 1709195164. ГБДВЛ базада бар государственных база данныхта баланын ИИН-ы бар. Шу каласынын ЦОН-га жазбаша отиниш жазып калдырмакшы болганда Шу каласынын ЦОН-ы да Шу ауданынын налоговый комитети де хатты кабылдамай койган. Енди осы маселени шешип берсениздер. Жунусали Бахтияр Омирханулы 1 курстын студенти грантка окиды, енди сол стипендиясын ала алмай отыр 1 ай отти. Барлык кузырлы органдарды акеси мен шешеси барып жауап таба алмады. Алматы каласында да ЦОН-га Налоговый комитеттерге барды, ойткени Баласын студент Алматы каласында окитын болгандыктан. Бирак Алматы каласы Шу каласына Шу ауданына барып шешиниздер деп жауап кайтарган. Асыга кутемиз жауаптарынызды. Отиниш комектесиниздерши. Студен бала Жунусали Бахтияр Омирханулы стипендиясын ала алмай отыр, общежитиеде колледжде турады. Аке шешеси карапайым жумысшы. Мына телефондар аркылы хабарласуыныздарга болады, туган апкеси Найманбаева Нурзинат Омирхановна (апкеси турмыс курган) 87051294661. Рахмет. Жауап кутемиз.
    Жауап күні:
    16 қараша, 2017 - 16:57
    Жауап:
    Қайталау! Э.Б.Найманбаеваға Құрметті Эльмира Бакытовна! Сіздің ініңіз Б.Жүнісәліге банкомат карточкасын рәсімдей алалмай жүргендігіңіз туралы арызыңыз қаралды. Анықталғаны, Б.Жүнісәлі ағымдағы жылы Алматы қаласында орналасқан «Банк ЦентрКредит» АҚ-на банк карточкасын рәсімдеу үшін жүгінген, алайда аз.Б.Жүнісәлі салық төлеушілердің мемлекеттiк деректер базасында (бұдан әрі- СТ МДБ) болмауына байланысты, соңғысының банк карточкасын рәсімдеуден бас тартылған. Қазіргі таңда, ауданаралық прокуратурасының араласуымен, аудандық мемлекеттік кіріс басқармасы және жоғарыдағы «Банк ЦентрКредит» АҚ-ның қызметкерлері араларында аталған мәселені шешу мақсатында жүргізілген келіссөз нәтижесінде аз.Б.Жүнісәлінің банкомат карточкасы рәсімделгенін хабарлаймын. Облыс прокурорының м.а. А. Майлыбаев орын.Алтаев Ұ. тел.45-33-71
  • Сұрақ №: 35743
    Дата: 19.09.2017 11:00:05
    Аты-жөні: Нышанова Марал
    Сұрақ:
    Құрметті Ибраһим Әлжанұлы , Біз - Тараз қаласы, Қонаев көшесі, 10 үй тұрғындары сізден жалынып көмек сұраймыз. Біздің үйдің алаңы қоқысқа толы. Оны Метроном дүкені мен Бейбарыс моншасының тұтынушылары күніге лақтырып кетеді. Тұрғындар күнара тазаласа да, балалар ойнайтын алаң қоқыс орталығына айналып кетеді. Түнге таман біздің үйдің алаңына түрлі адамдар келіп, арақ ішіп, қоқыс тастап, ойын-сауық құрады. Олардың бәрі Метроном дүкенінен алып, біздің балаларға арналған алаңды сол дүкеннің Жазғы алаңы ретінде пайдаланады. Қоқыстан, инфекциялардан, жағымсыз иістен көзіміз ашылмайды. Бізге көмектесіңізші. Метроном дүкені мен Бейбарыс моншасы 40-тан астам отбасының соры болып отыр. Біз теледидар шақырып,Нұрсултан Әбішұлына жететіндей дау шығарамыз, бұл масқаралық тоқтамайынша.
    Жауап күні:
    9 қазан, 2017 - 16:30
    Жауап:
    М.М. Нышановаға Құрметті Марал Мухитдинқызы! Сіздің тұрғын үй алаңыңызға қоқыс тастау мәселесі туралы арызыңыз облыс прокуратурасымен қаралды. Сіз арызыңызда түнгі уақыт кезеңінде адамдар арақ ішіп, балалар ойнайтын алаңға қоқыс тастайтыны жөнінде уәждер келтіргенсіз. Арызда көрсетілген уәждер бойынша келесі шаралар қабылданды. «Тараз қаласы әкімдігінің тұрғын жай-коммуналдық шаруашылық, жолаушы көлігі және автомобиль жолдары бөлімі» коммуналдық мемлекеттік мекемесінің және Тараз қаласы әкімінің №6 аумақтық округінің қызметкерлерімен бірлесе Тараз қаласы, Қонаев көшесі, 10 үй алаңының санитарлық тазалық жағдайына визуалды тексеру жүргізіліп, қоғамдық жұмысшылар күшімен аталған үйдің аумағы тұрмыстық қоқыстардан тазартылды. Сонымен қатар, Тараз қалалық ішкі істер бөлімі жергілікті полиция қызметінде (бұдан әрі- ІІБ ЖПҚ) арнайы топ құрылып, Сіздің үй алаңыңыздың маңында тоқтап тұру және үй араларын жаяу патрульдеу бойынша жол патрульдік полицейлерінің қосымша наряды жұмылдырылды. Нәтижесінде, қоғамдық орында алкогольдік ішімдігін ішкені үшін 3 азамат анықталып, наркологиялық диспансерге жеткізілген. Бұған қоса, ІІБ ЖПҚ қызметкерлерімен Метроном дүкені және Бейбарыс моншасының әкімшілігіне арнайы қоқыс тастайтын жерлердің жан-жағын ұқыпты сақтау жөнінде профилактикалық жұмыстар жүргізілгенін хабарлаймын. Облыс прокуроры И. Иманов орынд.:Т.Сартаев тел.: 45-15-02

Беттер

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.